Zviceranë dhe shqiptarë, cak i sulmeve të huliganëve serbë

Mbetet të shihet nëse grupi ë ka sulmuar ekipin e Prishtinës ka ndonjë lidhje me atë që ka bërë akte të rüenda vandalizmi dhe sulmi fizik në Grenchen, Solothurn

Prej dy ditësh në gazetat e Zvicrës gjermane  ka një numër raportimesh për dhunën e shfrenuar që po e ushtrojnë në Zvicër një grup huliganësh, tifozë të Crvena Zvezdës së Beogradit. Ata, pas një ndeshjeje në Grenchen në kuadrin e turneut “Uhrencoup”  kanë rrahur një numër kalimtarësh të rastit  zviceranë, pastaj kanë demoluar një kioskë dhe duke rrahur dhe bërë për spital punëtoren e kioskës. Së fundi mbrëmë, në po këtë turne, pas pjesës së parë të ndeshjes kundër kampionit aktual të Zvicrës, FC Basel, madje një grup funksionarësh të C. Zvezdës kanë sulmuar fizikisht edhe gjyqtarin e ndeshjes. Në momentin e fundit ai arriti të tërhiqej në zonën e sigurt.

Ndërkohë, një lajm i publikuar në mediet e Prishtinës bën fjalë për dhunën e ushtruar nga një grup huliganësh serbë kundër fotoreporterit të KF Prishtina Avni Durmishi dhe tre lojtarëve, derisa ata po ktheheshin nga shëtitja në hotelin ku ishin të vendosur.

Kështu përshkruhet ngjarja në Portalin e   KF Prishtina

Futbollistët dhe anëtarët tjerë të klubit, të ndarë në grupe-grupe, vizituan pjesët më të afërta të hotelit ku qëndronin, kryesisht rreth ambasadës së Kosovës dhe “Bahnhofit” (stacionit të trenit) ku konsiderohet të jetë qendra e qytetit. Tre futbollistë: Argjend Malaj, Armend Thaqi e Flamur Shala, sikurse edhe fotoreporteri e gazetari i klubit, Avni Durmishi, i cili ishte i vetmi nga të gjithë që mbante fanellën oficiale me emblemën e klubit. Diku pas orës 23:15, tinëzisht, nga më se 10 persona, sulmohen nga mbrapa shpinës, dhe sidomos gazetari, i cili i vetmi kishte shenjë identifikuese, thhet në tekstin e portalit FC Prishtina.

Futbollistët në momentin e parë kursehen dhe shfrytëzojnë rastin dhe vrapojnë duke u larguar më tutje, por gazetari me fanellën identifikuese u sulmua dhe pas përpjekjeve u lirua prej tyre, e ndërkohë nga sharjet u kuptua që ishin serbë. Përkatësia e tyre nacionale u kuptua pas dy sulmeve të shpejta dhe dështimit për ta rrëmbyer fanellën. Me këtë rast ata në gjuhën serbe u shfrynë duke shqiptuar sharje dhe ofendime të rënda në drejtim të shqiptarëve. Ndjekja vazhdoi për disa qindra metra, gazetari kërkoi në një lokal afër ndihmën e stafit që ta njoftonin policinë e cila nuk vonoi shumë, kurse tre futbollistët për fatin e mirë u larguan me shpejtësi në drejtim të hotelit, thuhet veç tjerash në tekstin e publikuar në faqen e Klubit Futbollistik “Prishtina”.

Mbetet të shihet nëse grupi ë ka sulmuar ekipin e Prishtinës ka ndonjë lidhje me atë që ka bërë akte të rüenda vandalizmi dhe sulmi fizik në Grenchen, Solothurn.