Nisma e veçantë: Pa pantallona në 60 qytete të botës

ilustrim

Me qindra udhëtarë në Londër, Berlin dhe Pragë hoqën pantallonat dhe bënë udhëtimin e përvitshëm gjysmë të zhveshur, “No Pants Ride”.

Shfaqja është pjesë e një nisme globale, që ka nisur në Nju Jork në vitin 2002, e që atëherë është përhapur në më shumë se 60 qytete të botës.

Objektivi është që përdoruesit e metrosë të vishen me veshje normale dimri, por pa pantallona, e ndërkohë duhet të ruajnë edhe seriozitetin, transmetojnë mediat e huaja.

Në Londër, turmat u mblodhën para Galerisë Kombëtare në sheshin “Trafalgar”, para se të hynin në metro, ku morën trena në drejtime të ndryshme. Pasagjerët e tjerë nuk mund të bënin ndryshe veçse të mbërthenin vështrimin mbi ta, përcjell albinfo.ch.

Në Berlin dhe në Pragë, dhjetëra pasagjerë përdorën metronë dhe trenat, me disa pjesëmarrës në nismë që kishin përdorur jo pak imagjinatë.

“No Pants Ride” është mbajtur po ashtu në Chicago, Nju Jork, San Francisko, Amsterdam etj..