Barnat “placebo”, me efekt të barnave të vërteta?

Një studim i kryer nga universiteti i Oksfordit ka treguar se disa të ashtuquajtura pilula “placebo” mund të kenë efekt të ngjashëm me medikamentet me përmbajtje farmakologjike

Me “Placebo efekt” kuptojmë efektin që një medikament i rrejshëm bën te pacienti, nisur rekomandimi i mjekut se është fjala për medikament të vërtetë. Zakonisht mjekët u japin këso “medikamentesh” pacientëve për të cilët nuk ka barna adekuate ose ato nuk veprojnë.

Një analizë aktuale e bërë nga universiteti i Oksfordit nën drejtimin e Jeremy Howick ka treguar se disa të ashtuquajtura tableta “placebo” mund të kenë efekt të ngjashëm me medikamentet që me të vërtetë kanë përmbajtje farmakologjike. Sipas kësaj analize,tri të katërtat e mjekëve britanike përshkruajnë një herë në javë barna “placebo”.

Ndërkaq, vetë placebot ndahen në “të pastra” dhe “të papastra”. Varianti i parë nuk përmban fare materie shëruese dhe ai mund të jepet në trajtë të një pilule prej sheqeri. Ndërsa varianti i dytë (i papastër) përmban materie shëruese, por me që nuk llogaritet se ajo do të ketë efekt për rastin konkret.

Një sondazh i bërë kohëve të fundit në Gjermani dëshmon se 88 për qind të mjekëve kanë përshkruar deri më tash ndonjëherë Placebo.

Në mesin e mjekëve mbetet kontestuese nëse dhënia e “medikamenteve” placebo është e pranueshme etnikisht ose jo.