“Kosova” fiton kupën austriake për integrim

"Turniri ishte fer”. Me këtë aludohet sidomos për ndeshjen e Kosovës kundër Serbisë, e cila rrodhi në korrektësi të plotë

Ekipi i futbollit “Kosova” ka fituar vendin e parë dhe kupën në turnirin “Casinos Austria Integrationsfussball WM” në Baden, me fitoren e qartë 3:0 në finale kundër ekipit të hungarezëve. Shikuar nga rrjedha e lojës, ky rezultat mund të ishte akoma më i thellë. Kapiteni Agim Gashi në minutën e fundit ka qëlluar portën nga një distancë e shkurtë por ka dështuar ta rriste rezultatin në 4:0.

“Kryesore është fitorja”, thotë i gëzuar Gashi, i  cili duke qenë filozof i diplomuar, përbën një raritet në futbollin austriak. “Dhe po ashtu me rëndësi është se turniri ishte fer”. Në këtë pikë aludohet sidomos në ndeshjen e Kosovës kundër Serbisë, e cila rrodhi në korrektësi të plotë.

Gashi dhe këshilltarja Ranka Savic kishin përgatitur mirë ekipet e tyre, ndërsa filozofi shqiptar argumenton në mënyrë bindëse se “ndryshe do t`i bartja me dorën time lojtarët e mi nga fusha”.

Dy ekipet më të mira shkojnë në finalen e Austrisë.

Turniri “Casinos…” është themeluar në vitin 2006 në Salzburg. Me 1500 pjesëmarrës ai sot është njeri ndër turniret dhe projektet integruese më të mëdhenj në vend, shkruan regionews.at.

Presidenti i shtetit, Heinz Fischer, sekretari për integrim Sebastian Kurz madje ehdhe sekretariati gjeneral i OKB-së kanë shprehur fjalë falënderimi për turnirin.