Bota
Ofruan shtëpi për 1 €, qyteti italian vërshohet nga ofertat
Vetëm pak orë pas publikimit të lajmit, kanë qenë mbi 38 mijë kërkesa që kanë ardhur në adresën zyrtare
Lajmi se në Itali ka shtëpi që shiten me një euro, ka bërë bujë, jo vetëm në mediat italiane, por edhe më gjerë.
Sambuca është një qytet i bukur në ishullin e Sicilisë në jug të Italisë, që e ka bërë një ofertë të tillë.
Ideja është që ky vend, si shumë të tjera italiane, por edhe evropiane, po shpopullohet, pasi banorët largohen drejt qendrave më të mëdha.
Dhe për një euro, kush nuk do të dëshironte të blinte shtëpi.
Shtëpitë kanë dalë në shitje me këtë vlerë të papërfillshme vetëm për të ringjallur komunitetin që ka vuajtur vitet e fundit largimet drejt qyteteve të mëdha.
Megjithatë, ka edhe kushte, si pronarët e rinj duhet të kryejnë një depozitë sigurie prej 5 mijë eurosh, si dhe duhet të bëjnë edhe rikonstruksionin e shtëpisë ose banesës, e cila ka një kosto rreth 15 mijë eurosh.
Pasi ata do të kryejnë rikonstruksionin e banesës, atyre iu rikthehet depozita prej 5 mijë eurosh.
E klientët e parë kanë filluar të duken. Vetëm pak orë pas publikimit të lajmit, kanë qenë mbi 38 mijë kërkesa që kanë ardhur në adresën zyrtare, shumë më tepër se sa shtëpitë që ndodhen në këtë zonë.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut