Rreth 2000 shtetas të huaj punojnë në Kosovë

Zyrtarë të Ministrisë së Punës dhe Mirëqenies Sociale thonë se gjatë vitit 2011 rreth 1951 shtetas së huaj kanë marrë leje për të punuar në Kosovë

Ministria e Punës dhe Mirëqenies Sociale në Kosovë ua ka lëshuar leje pune rreth, 880 shtetasve së huaj, kryesisht nga Turqia dhe nga disa vende të tjera. Megjithatë ky numër nuk është shumë i saktë, sepse shumë qytetarë të huaj punojnë në Kosovë pa leje pune.

Zyrtarë të Ministrisë së Punës dhe Mirëqenies Sociale thonë se gjatë vitit 2011 rreth 1951 shtetas së huaj kanë marrë leje për të punuar në vendin tonë, transmeton QIK.

Gjatë vitit 2012, sipas medieve në Prishtinë, leje pune në Kosovë kanë marrë 1511 shtetas së huaj, si dhe nga fillimi i këtij viti e deri më tash 887 shtetas të huaj janë pajisur me leje pune njëvjeçare për të punuar në vendin tonë.

Numri më i madh i qytetareve të huaj që punojnë në  Kosovë është nga Shqipëria, Maqedonia, Bullgaria, Kina, Tailanda, Kroacia, Sllovenia,Vendet e BE si dhe shume vende tjera.

Shumica që nuk kërkojnë leje pune, e bëjnë këtë qëllimisht për t’i ikur taksave shtetërore. Por, nuk janë vetëm shtetasit e huaj që punojnë në të zezë. Janë edhe kosovarët ata që nuk deklarojnë se janë duke punuar, me qëllim që t’i ikin taksave shtetërore