Orhan Mustafi nga GC në ligën e parë skoceze

Mustafi është dhënë si huazim i përkohshëm nga FC Grasshoppers dhe i është bashkuar skuadrës në stërvitjet e saj në Enschede të Holandës

Futbollisti shqiptar nga Zvicra, Orhan Mustafi ka braktisur skuadrën Grasshoppers të Cyrihut, për të kaluar në klubin skocez Ross County. Gjatë sezonit të fundit sulmuesi 23 vjeçar është angazhuar vetëm pesë herë në ndeshjet e GC, dhe asnjëherë gjatë tërë lojës.

Në Ross County, klub që bën gara në ligën më të lartë skoceze, Mustafi është dhënë si huazim i përkohshëm nga FC Grasshoppers. Ai tashmë i është bashkuar skuadrës në stërvitjet e saj në Enschede të Holandës.

Mustafi, shqiptar i lindur në Maqedoni, ka luajtur për kombëtaren U21 të Zvicrës. Ai është i lidhur me kontratë me skuadrën nga Cyrihu edhe për një vit.