Shkon në 7, numri i të vdekurve nga i ftohti në SHBA

Foto Ilustrim

Së paku shtatë persona kanë vdekur, si pasojë e të ftohtit që ka përfshirë një pjesë të madhe të SHBA-së.

Temperatura shënoi  -30 gradë celsius në Çikago, disa herë më ftohtë se pjesët e Antarktidës dhe -37 gradë në Dakotën e Veriut, përcjell albinfo.ch.

Këto temperatura do të prekin 250 milionë amerikanë, ndërsa 90 milionë do të përjetojnë këtë javë temperatura në  -17 ose më poshtë.

Gjendje e jashtëzakonshme është shpallur në Wisconsin, Michigan dhe Illinois.

Sipas vlerësimeve, ngrirja është e mundur brenda vetëm 10 minutave, pasi një person të ketë qëndruar jashtë në temperatura të tilla ekstreme.