Bota

Zjarri u merr jetën 8 personave në Paris

E martë, 5 Shkurt 2019 - 8:56 albinfo.ch
(AP Photo/Christophe Ena)

Tetë persona humbën jetën nga zjarri në një ndërtesë në jugperëndim të Parisit, bënë të ditur zyrtarët.

Rreth 30 të tjerë, në mesin e tyre tre zjarrfikës, u plagosën.

Numri i viktimave mund të rritet pasi operacioni i kërkim-shpëtimit po vazhdon në katet e sipërme të ndërtesës tetëkatëshe, i tha një zëdhënës i shërbimit të zjarrfikësve agjencisë së lajmeve AFP, transmeton “REL”.

Shkaku i zjarrit nuk është ende i qartë. Një grua e dyshuar u ndalua nga policia, përcjell albinfo.ch.

Prokurori i Parisit, Remi Heitz, tha se zjarri mund të jetë vënë me qëllim.

Kryebashkiaku i Parisit, Anne Hidalgo, u dërgoi ngushëllime familjeve të viktimave dhe shkoi në vendin e ngjarjes.

 Të ngjashme

Tre fëmijë kanë humbur jetën nga zjarri në Wiggen, Luzern

 Të tjera nga Bota

Airbnb gjobitet me 56 milionë paund në Spanjë për reklamat e pronave pa licencë

 E-Diaspora

 Jeta në Zvicër