Miliarda suficit

Ekonomia gjermane është rritur me shpejtësi. Kryesisht nga konsumi, shteti gjerman ka arritur në gjysmën e parë të vitit një suficit të konsiderueshëm prej 8.5 miliardë eurosh.

Falë shpenzimeve të konsumit nga ana e konsumatorëve dhe e shtetit, ekonomia gjermane është rritur me shpejtësi.
Pas muajve të dobët të dimrit produkti i brendshëm bruto (GDP) u rrit në tremujorin e dytë të vitit 2013 në krahasim me tremujorin e mëparshëm me 0.7 për qind.

Këtë njoftim e bëri publik Zyra Federale e Statistikave.

“Ky është një tremujor i dytë shumë solid”, tha analisti Christian Schulz nga Banka e Berenberg-ut.

Kontributi për rritjen ekonomike ishte i gjithanshëm. Dy të tretat erdhën nga kërkesa e brendshme, një e treta nga tregtia e jashtme. “Pozitiv është edhe fakti që Kina ndodhet në stagnim ekonomik dhe eurozona sapo ka përfunduar recesionin e saj të gjatë”, thotë ekonomisti gjerman.

Të hyrat shtetërore në gjashtëmujorin e parë kapnin shumën prej 604,5 miliardë eurosh, që do të thonë rreth 16,3 miliard euro apo 2,8 për qind më shumë se në periudhën e njëjtë të vitit të kaluar.

Sipas statistikave, pothuajse gjysma e të ardhurave ishin nga taksat, ato u rritën në gjysmën e parë të vitit në 3.8 për qind. Sidomos në taksat e të ardhurave dhe pronës ka pasur një rritje të konsiderueshme, ku të ardhurat u rritën me 6.3 për qind.