Minatorët: “Trepça s’guxon të jetë pjesë e dialogut”

Kryetari i Mitrovicës, Agim Bahtiri, njofton se pas deklaratës së fundit të zëdhënëses së BE-së, Maja Kocijançiq, ka pritur në një takim kryetarin e Sindikatës së Pavarur të Trepçës, Shyqyri Sadiku.

Bahtiri e Sadiku thonë se e kundërshtojnë fuqishëm deklaratën Kocijançiqt, duke thënë se tema mbi Trepçën nuk guxon të jetë asnjëherë pjesë e diskutimeve në Bruksel, përcjell albinfo.ch.

“Trepça është e minatorëve dhe përbën një pasuri kombëtare, andaj diskutimi për Trepçën cenon direkt sovranitetin e Republikës së Kosovës”, thuhet në njoftimin e Komunës së Mitrovicës Jugore.