Vdes nga fruthi foshnja 13-muajshe në Maqedoni

Një foshnjë 13-muajshe nga qyteti Sveti Nikole i Maqedonisë është viktima e dytë e fruthit që ka përfshirë këtë vend.

“Nga komplikimet që ka shkaktuar fruthi, foshnja në orët e pasdites së djeshme ka vdekur në Klinikën për sëmundje të fëmijëve në Shkup”, njofton Ministria e Shëndetësisë, transmetojnë lajmin mediat në Shkup.

Kjo ministri po ashtu ka bërë thirrje te të gjithë prindërit që t’i vaksinojnë fëmijët e tyre, pasi thotë se rreziku nga prekja nga kjo sëmundje është i madh.