Bota
Hungaria ofron kredi për familjet për të lindur fëmijë
Programi me 7 pika përfshin një kredi prej 35,500 dollarë për gratë nën 40 vjeç që martohen për herë të parë
Kryeministri i Hungarisë, Viktor Orban, ka lajmëruar përfitime tatimore dhe subvencione për të inkurajuar familjet që të bëjnë më shumë fëmijë.
Ai tha se politika synon të krijojë më shumë hungarezë në vend që të mbush këtë hendek në popullsi nëpërmjet emigrimit, diçka që bën Bashkimi Evropian.
Kryeministri, që është kundërshtues i emigrimit, lajmëroi se Qeveria do të ofrojë ndihma financiare dhe subvencione për të shtuar normën e lindjes.
Viktor Orban tha në fjalimin vjetor për “Gjendjen e Kombit” se kjo politikë është përgjigja e Hungarisë ndaj rënies së popullsisë, gjë që përjashton emigrimin.
“Numri i fëmijëve në Evropë është në rënie të vazhdueshme. Për perëndimin, përgjigja ndaj kësaj sfide është emigrimit. Por ne nuk kërkojmë thjesht shifra, ne duam fëmijë hungarezë”, tha Orban, transmeton ‘Scan’.
Në vitin 2016, norma e lindjeve në Hungari qëndroi në 1.45 lindje për grua. Programi me 7 pika përfshin një kredi prej 35,500 dollarë për gratë nën 40 vjeç që martohen për herë të parë, përcjell albinfo.ch.
Një e treta e kredisë do të falet pas fëmijës së dytë dhe e gjithë shuma e kredisë do të zerohet pas fëmijës së tretë.
Një tjetër pikë e programit do të ofrojë përjashtimin nga tatimi mbi të ardhurat për çdo grua që ka 4+ fëmijë.
Masat e reja do të ofrojnë gjithashtu subvencione ndaj familjeve në varësi të numrit të fëmijëve që kanë si dhe mbështetje shtetërore për blerjen e çdo veture me shtatë vende.
Të ngjashme
Të tjera nga Bota
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse