5 mijë euro për emigrantët nëse e braktisin Finlandën

Autoritetet finlandeze kanë rritur ndihmën financiare për të inkurajuar një numër të madh të emigrantëve për t’u larguar nga vendi skandinav.

Qeveria ka vendosur të rrisë ndihmën e dyfishtë financiare për azilkërkuesit që vullnetarisht largohen nga vendi. Sipas vendimit të fundit, çdo emigrant që largohet nga Finlanda do të marrë 5,000 euro, dhe më parë kjo shumë ishte 2,500.

Autoritetet finlandeze kanë vendosur për këtë hap, pasi më pak emigrantë vendosin të largohen nga ky vend.

“Ne duam t’i inkurajojmë ata që të kthehen në shtëpi. Në vendin tonë për momentin kemi mbi një mijë njerëz të cilëve u është refuzuar kërkesa për azil. Ata nuk kanë një leje qëndrimi dhe mbështetja që u japim atyre bëhet më e shtrenjtë “, tha Tarja Rantala nga Zyra për Migracionin.