Lajme
Pse të huajt shpërngulen në Zvicër dhe sa duan të qëndrojnë?
Një numër në rritje imigrantësh janë vendosur në vend vitet e fundit, duke nxitur parashikimet për rritjen e popullsisë që tejkalojnë shifrën 10 milionë në të ardhmen e afërt. Një studim i ri hedh dritë pse shtetasit e huaj vijnë në Zvicër dhe sa kohë duan të qëndrojnë këtu
Në vitin 2022, mbi 40,000 banorë ndërkombëtarë mbërritën në Zvicër – 20,000 më shumë se në vitin paraprak, tregojnë të dhënat zyrtare.
Sipas shumë ekspertëve, ky fluks do të thotë se popullsia e Zvicrës, e cila tani është 8.9 milionë njerëz, do të arrijë shifrën prej 10 milionë brenda pak vitesh – nëse ndërkohë emigracioni nuk ngadalësohet, shkruan The Local, përcjell albinfo.ch.
Por, pse pikërisht të huajt vazhdojnë të vijnë në Zvicër?
Kjo pyetje u adresua nga një studim i ri i publikuar nga Zyra Federale e Statistikave (FSO) të hënën.
Dy arsyet kryesore të përmendura nga FSO janë familja (më shumë se 40 për qind) dhe punësimi (afërsisht 37 për qind).
Studimi nuk jep detaje se cilat arsye familjare i shtyjnë të huajt të shpërngulen në Zvicër, por ato mund të përfshijnë ribashkimin me të afërmit tashmë në vend ose martesën me një shtetas zviceran. Arsyet janë shumë më të qarta në kategorinë e dytë – profesionale: pagat zvicerane janë më të larta (dhe nganjëherë shumë) se pothuajse kudo tjetër në Evropë, dhe në shumë vende jo anëtare të BE-së gjithashtu.
Kjo është arsyeja pse kaq shumë të huaj dynden në Zvicër – edhe përkundër kostos së lartë të jetesës së vendit – veçanërisht në zonat ku janë punët më të paguara, si Cyrihu, përcjell tutje albinfo.ch.
Sa kohë kanë ndërmend të thonë emigrantët në Zvicër?
Këtu shfaqet një paradoks kurioz.
Ndërsa disa të dhëna tregojnë se shumica e të huajve zgjedhin të kthehen në vendet e tyre pasi të dalin në pension, studimi i FSO raporton rezultate të ndryshme.
Ai zbuloi se pothuajse dy të tretat e emigrantëve – më shumë se 60 për qind – duan të qëndrojnë në Zvicër përgjithmonë. Ky është veçanërisht rasti për njerëzit nga vendet evropiane që nuk janë pjesë e BE-së, përcjell tutje albinfo.ch.
Cilat janë disa nga gjetjet e tjera të studimit të FSO?
Ndërsa mbi 60 për qind e të anketuarve thanë se duan të marrin nënshtetësinë zvicerane, vetëm rreth 10 për qind kishin aplikuar për natyralizim deri më tani.
Nuk jepet asnjë arsye se pse kaq pak të huaj kanë kërkuar shtetësi, por arsyet më të zakonshme në përgjithësi lidhen me rregulla shumë strikte të natyralizimit, si kohëzgjatja e qëndrimit, njohja e gjuhës dhe integrimi.
Të ngjashme
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla