Gjuha
Këshilla për varësinë, edhe në gjuhën shqipe
Fletëpalosjetmme këshilla do të botohen edhe në gjuhën shqipe, angleze, portugeze, ruse, serbe-kroate-boshnjake, turke dhe tamile
Organizata “Sucht Schweiz” që merret me njerëzit që kanë krijuar varësi nga substanca të ndryshme në të ardhmen do të publikojë informacionet e saj në njëmbëdhjetë gjuhë. Krahas gjuhëve të vendit, fletëpalosjet, broshurat dhe tekstet tjera me këshilla do të botohen edhe në gjuhën shqipe, angleze, portugeze, ruse, serbe-kroate-boshnjake, turke dhe tamile.
Duke zgjeruar ofertën e saj, “Sucht Schweiz” synon që të arrijë sa më shumë njerëz që të jetë e mundur, bëhet e ditur në një komunikatë për shtyp të organizatës në fjalë. Kështu ajo do të mundësojë që këta njerëz të marrin në gjuhën e tyre amtare përgjigjet për pyetjet që i mundojnë.
Deri më tash njerëzit me prejardhje të huaj në Zvicër kishin në dispozicion fare pak mjete informimi lidhur me konsumin problematik të substancave që krijojnë varësi, thuhet në arsyetimin e kësaj iniciative të “Sucht Schweiz”.
Sipas zëvendësdrejtoreshës së kësaj organizate, duke i ofruar informacione kësaj popullate, duhet të mbahet parasysh që materia të jetë lehtë e kuptueshme dhe lehtësisht e arritshme.
Në mënyrë që materialet të shfrytëzohen nga sa më shumë njerëz “Sucht Schweiz” mbështetet në bashkëpunimin me qendrat regjionale për preventivë dhe këshillimoret përkatëse që punojnë me të huajt.
Fletëpalosjet e reja për të prekurit dhe familjarët e tyre janë realizuar me mbështetjen profesionale dhe financiare të migesplus.ch, nje projekt i Kryqit të Kuq, që po zbatohet në kuadrin e strategjisë së Zyrës federale pe¨r Shëndetësi (BAG).
Materialet informative si “. Çfarë duhet të di lidhur me alkoolin” dhe “Të afërmit e njerëzve me problem varësie: çka duhet bërë?” mund të porositen pa pagesë në Sucht Schweiz . ato po ashtu mund të shkarkohen në adresën në vijim: www.suchtschweiz.ch, thuhet në komunikatën për medie të dërguar nga organizata “Suchtschweiz.
E-Diaspora
-
Humb jetën tragjikisht 22-vjeçari shqiptar në këtë shtet Një 22-vjeçar shqiptar ka humbur jetën në mënyrë tragjike në Greqi, përcjell albinfo.ch. Mediat greke bëjnë...
-
Vildane Rexhepi, menaxhere prokurimi në IT-në e bankës UBS
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë