Gjermania nuk i ka trenat e saktë, por pasagjerët kompensohen

Rreth 2.7 milionë pasagjerë kanë bërë një kërkesë për vonesat në vitin 2018 - 50 për qind më shumë se në vitin 2017, sipas shifrave të reja

Operatori më i madh hekurudhor i Gjermanisë, Deutsche Bahn (DB), pagoi 53.6 milionë euro kompensim për klientët vitin e kaluar, sipas një zëdhënëse të DB-së – një rritje e madhe nga 34.6 milionë euro që u rimbursohej për pasagjerët në vitin 2017 ose dyfishi i atij të vitit të kaluar, përcjell albinfo.ch.

Më shumë udhëtarë se kurrë janë duke kërkuar kompensim për shkak të trenave të vonuar, raporton DPA.

Rreth 2.7 milionë pasagjerë kanë bërë një kërkesë për vonesat në vitin 2018 – 50 për qind më shumë se në vitin 2017, sipas shifrave të reja, shkruan “The Local”.

Shuma mesatare e kompensimit është gjithashtu në rritje: ajo ishte 20 euro më 2018, krahasuar me 19 euro në vitin paraprak.

Shumë kompani hekurudhore janë të përfshirë në sistemin e kompensimit, jo vetëm Deutsche Bahn (DB). Megjithatë, pjesa më e madhe e shumës është e lidhur me trenat në distanca të gjata, të cilat pothuajse ekskluzivisht drejtohen nga kompania shtetërore, transmeton tutje albinfo.ch.

Çdo i katërti tren me distanca të gjata ishte vonuar në vitin 2018.

DB ka thënë se situatat e ndryshme kanë ndikuar në vonesat e trenave dhe nuk ishte në duart e tyre, si stuhitë, shiu i madh, rrufetë dhe thatësira verore.

---