BDI: Aksidenti të mos përdoret për qëllime politike

Në një reagim të BDI-së shprehin indinjatën ndaj abuzimit jonjerëzor dhe politik të tragjedisë gostivarase, ku humben jetën 15 persona.

Në reagimin e BDI-së thuhet se në mungesë të ofertës konkrete ndaj elektoratit shqiptar, Aleanca për Shqiptarët ka zgjedhur shpifjet dhe së fundmi edhe keqpërdorimin e tragjedisë së 13 shkurtit për të plotësuar agjendën e vet politike, shkruan alsatm, përcjell albinfo.ch.

“Ditë më parë Arben Taravari, sot deputeti i këtij subjekti politik, Syrija Rashidi, ka tentuar të keqpërdorë rastin tragjik për të përfituar pikë politike. Duke shpifur thellë rreth rastit, Rashidi tentoi të politizojë procesin hetues pa pasur as edhe një fakt të vetëm. Habit fakti që deklarimet e funksionarëve të ASH-së rreth rastit në fjalë përputhen me qëndrimet e partisë maqedonase VMRO”, thuhet në reagimin e BDI-së.