E sinqertë, e qartë dhe shumë prekëse

Pianistja shqiptare Ardita Statovci bindëse ne pianoprojektin Nr. 119 tek Piano Mora (Passau, Gjermani)

Mund të studiosh biografinë e saj impresive, t’ia kthesh buzëqeshjen e dashur ose të përshëndetësh koncipimin e programit që ajo bën. Por kush dëshiron ta njohë Ardita Statovcin përtej kësaj, duhet ta dëgjojë atë se si luan Bach-un. Të enjten mbrëma pianistja shqiptare ishte mysfire tek Piano Mora në Passau dhe për dëgjuesit ajo u shfaq si interprete serioze që entuziazmonte- e sinqertë, e qartë dhe shumë prekëse.

Tani, se si Ardita Statovci luan Partitën nr. 1 në B-Dur nga Bach-u, i gjason krijimit të një skulpture të matur, të përfunduar e të përkryer. Pa rezervim fals, ajo vë duart thellë në taste, lëmon, zdrukthton, modelon dhe formëson. Ajo çka krijohet në fund, nuk  është më vetëm tekst prej notash dhe nuk është më vetëm vepër e ngurtë arti, por është gjallëri e pastër, lumturi e jetës dhe ndjesi e përjetuar thellësisht.

Virtuoze, me inteligjencë të lartë dhe përplot gëzim fëmijëror, Pianistja luan me muzikën, e grishë atë, e bën të vallëzoj, të këndoj dhe të drithëroj me intimitet. Këtu Bach-u guxon të tërbohet, të ulëroj, ai guxon të bëj shaka djallëzore, të dashuroj ndjeshëm dhe të psherëtij. Secilën shprehje Statovci e krijon të re, asnje përsëritje nuk i gjason paraprakes, transpartente dhe në mënyrë të përkryer e balancuar është kultura e saj tingullore, me shumë nuanca dhe me një pasuri ngjyrash të lojës pianistike.

Përkrahas Bach-ut, këtë mbrëmje pianistja paraqet vepra tjera të shumëanshme sidhe që përshtaten në program: Impromtu-në nr. 2 në es-Dur nga Schubert-i, të interpretuar thellësisht ëmbël. Marshin e rrëmbyeshëm motorik  “Alla Turka” nga bashkkohësi Fahri Beqiri, të luajtur  me virtuozitet dhe tingull të plotë. Alleluia-n e stuhishme si himn nga Franz Liszt-i. Dhe në fund nga Johannes Brahms-i “Variacione dhe Fugë mbi nj temë të Händel-it op.24”, me të cilat Ardita Statovci ishte brilante ,duke mënjanuar çdo efekt- show-bërës, me teknikë të pjekur, fuqi krijuese të diferencuar dhe përkushtim abolut.

Një mbrëmje intime dhe e jashtzakonshme me një artiste, që i ka hapur të gjitha dyert.

Dorothea Walchshäusl (Passauer Neue Presse, 21.09.2013)