Polonia investon në modernizimin e ushtrisë

Keystone

Polonia do të shpenzojë 185 miliardë zloti (44 miliardë euro)  për modernizimin e ushtrisë së saj deri në vitin 2026, kryesisht për blerjen e avionëve luftarakë, helikopterëve dhe nëndetëseve, njoftoi sot ministri polak i Mbrojtjes, Mariusz Blaszczak.

Arsenali i ri ushtarak do të dislokohet kryesisht në lindje të Polonisë ose në krahun lindor të NATO-s, shkruan atsh, përcjell albinfo.ch.

Në mesin e blerjeve që janë prioritet, ministri Blaszczak citoi 32 avionë të rinj luftarakë të gjeneratës së pestë, për të zëvendësuar avionët MiG29 dhe Su22, prodhim sovjetik, që janë ndërkohë pa një vlerë të madhe në luftim dhe të padobishëm, nëndetëse, helikopterë për marinën dhe avionë të tjerë luftarakë si dhe sisteme të mbrojtjes tokë-ajër.