Kosovë: Protestohet kundër dënimeve të ulëta nga drejtësia

Qytetarë dhe familjarë të Lendita Abdullahut dhe Florijeta Rugovës janë mbledhur për të protestuar të mërkurën para Gjykatës Themelore të Prishtinës. Dy gratë u goditën për vdekje nga L.M., të cilin gjykata e dënoi me 3 vjet e gjysmë burgim dhe e la të mbrohet në liri, ani se u konstatua se për shkak të shpejtësisë së madhe ai e shkaktoi aksidentin.  

Me këto thirrje protestuesit kanë kërkuar që vendimi i Gjykatës Themelore për dënimin e ngasësit L.M. të rishqyrtohet nga Gjykata e Apelit, përcjell albinfo.ch.

Lendita Abdullahu, 30- vjeçare, e cila la pas një djalë 21 muajsh, si dhe Florijeta Rugova, 23- vjeçare, ishin goditur më 22 tetor të 2018-s në vendkalimin për këmbësorë në Rrugën B. 

Lendita Abdullahu vdiq pak orë pas aksidentit në QKUK, ndërsa Florijeta Rugova disa ditë më vonë.