Kasami pret Haxhiun, flitet për thellimin e bashkëpunimit

Bilall Kasami ka thënë se do të jenë afër qeverisë së re të Kosovës për ta vazhduar thellimin e bashkëpunimit

Kryetari i komunës së Tetovës, Bilall Kasami ka pritur sot U.D. presidenten e Kosovës, Albulena Haxhiu me të cilën kanë biseduar për projekte të përbashkëta mes dy vendeve, duke konfirmuar njëkohësisht marrëdhëniet e shkëlqyera mes Kosovës dhe Maqedonisë së Veriut.

Kasami ka thënë se do të jenë afër qeverisë së re të Kosovës për ta vazhduar thellimin e bashkëpunimit.

Postimi i plotë i Bilall Kasamit

Mirëprita sot në Tetovë presidenten në detyrë të Republikës së Kosovës, znj. Albulena Haxhiu.

Biseduam për projektet e përbashkëta mes dy qeverive tona, marrëdhëniet e shkëlqyera mes shteteve tona dhe lidhjet e ngushta të shqiptarëve në dy anët e kufirit.

Folëm edhe për zgjedhjet parlamentare të 7 qershorit si dhe rëndësinë e stabilitetit politik dhe formimin e institucioneve bazuar në vullnetin politik të qytetarëve të shprehur me votë.

Do të jemi afër qeverisë së re në Kosovë dhe do ta vazhdojmë e thellojmë bashkëpunimin e shkëlqyer.

---