Paralajmëron May: Britania mund të mos e lërë BE-në

Kryeministrja britanike, Theresa May, ka paralajmëruar ligjvënësit se nëse javën e ardhshme e refuzojnë planin e saj për Brexit-in, atëherë Britania mund të mos e lërë BE-në.

Ligjëvënësit britanikë pritet të votojnë të martën për marrëveshjen. Në janar ata kanë votuar kundër marrëveshjes së parë, të cilën May e dërgoi në Parlament.

Kryeministrja May po kërkon ndryshime të “minutës së fundit” në marrëveshjen me Bashkimin Evropian, shkruan rel, përcjell albinfo.ch.

Ajo gjatë vikendit të do të bisedojë edhe një herë me udhëheqësit evropianë në përpjekje për t’i bindur ata që të miratojnë ndryshimet, përmes të cilave do ta kishte shumë të lehtë të marrë votën pro në Parlamentin britanik.