Çfarë po ndodh me Shaqirin, nga janari ka luajtur vetëm 39 minuta

Futbollisti shqiptar është aktivizuar shumë pak për ‘Të Kuqtë’, pasi trajneri gjerman Jurgen Klopp nuk po i beson shumë

Në dhjetor, Xherdan Shaqiri ishe hero për Liverpoolin ndaj Manchester United duke shënuar dy gola. Megjithatë, nga janari ka luajtur vetëm 39 minuta, përcjell albinfo.ch.

Trajneri Jurgen Klopp nuk i ka besuar Shaqirit dhe në pesë ndeshjet e fundit, ai ka luajtur vetëm 18 minuta, derisa në disa nuk ishte as në bankën rezervë, shkruajnë mediat zvicerane.

Një nga arsyet pse Shaqiri ka luajtur pak është rikthimi edhe i Adam Llallana në skuadër pas lëndimit.

Edhe pse kishte disa lëndime, Shaqiri sërish nuk ishte zgjedhje për trajnerin gjerman, përcjell tutje albinfo.ch.

Gjithashtu një faktor tjetër, siç thuhet është edhe sistemi i lojës. Shaqiri kishte më shumë hapësira në sistemin 4-2-3-1, por më pas në 4-3-3, ka pak hapësira.

Liverpool është në garë për titullin e kampionit me një pikë më pak se Manchester City, derisa në 1/8 e finales së Kampionëve do të ballafaqohet me Bayern Munich, ku sfida e parë në Angli kishte përfunduar pa gola.

---