Kuriozitete
Artefaktet e faraonit, shëtitje rreth botës
Gati 100 vjet pasi është zbuluar varri i Tutankhamunit në Egjipt, pasuria e tij ka filluar të ekspozohet nëpër muze të ndryshëm të botës. Ndalesa e parë ishte Parisi me ekspozitën, në të cilën do të prezantohen artefakte që dalin për herë të parë jashtë Egjiptit.
Njëqind e pesëdhjetë artefakte nga varri i faraonit që vdiq në moshën 18-vjeçare, do të jenë pjesë e ekspozitës që është organizuar për nder të 100-vjetorit të zbulimit të varrit të tij nga arkeologu britanik, Howard Carter.
Zakonisht, qeveria egjiptiane huazon vetëm 50 artefakte. Kuratori i ekspozitës, Tarek El-Awady, ka thënë se në mesin e 150 kryeveprave egjiptiane, 60 prej tyre për herë të parë dalin jashtë kufijve.
“Në mesin e këtyre 60 objekteve që dalin për herë të parë jashtë Egjiptit është edhe artefakti kryesor i ashtuquajtur, statuja e gardianit. Egjiptianët e lashtë kishin një besim të thellë në atë që po bënin. Donin që gjithçka të ishte e përkryer. Kur shikoni këtë statujë, nga cilido kënd, e shihni se ai nuk ju shikon. Ai nuk e shikon botën tonë, botën e të gjallëve. Shikimi i tij është përtej, ai shikon në pafundësi”, thotë El-Awady.
Një kryevepër tjetër është statuja e Tutanhkahmunit në një panterë të zezë. Legjenda thotë se egjiptianët mendonin se jeta pas vdekjes ishte aq e errët sa mbreti i ka bërë magji panterës për ta udhëzuar në errësirën e vdekjes.
Puna në vendet arkeologjike të Egjiptit është ndalur që prej Pranverës Arabe, më 2011. Qeveria egjiptiane vetëm së voni ka filluar me projektet e reja dhe kah viti 2020 do të jetë gati Muzeu i madh afër piramidave të Gizës që do të vlejë 1 miliard dollarë.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Testet e para në Appenzell për të prezantuar patentë shoferin digjital Patentë shoferi i një nxënësi digjital ka hyrë në fazën e testimit në Appenzell Ausserrhoden, një...
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen
-
Debati në Zvicër për pagat minimale