BMW ua ndalon punonjësve turq të flasin gjuhën turke

Punonjësit turq në një departament në fabrikën gjermane të makinave BMW iu ndalua të flasin turqisht mes tyre, njoftuan të hënën raportet gjermane.

Përgjegjësi në qendrën e përpunimit të automjeteve të Bayerische Motorenwerke (BMW) në qytetin e Garching bei München ,ndaloi rreth 20 punëtorë gjermano-turq që punojnë në të njejtin ndrrim të flasin turqisht.

Punëtorët reaguan ndaj ndalimit që u prezantua, në fabrikën ku punojnë 7,000 njerëz nga 50 vende të ndryshme, shkruan IndeksOnline.

Sipas të përditshmes gjermane Bild, punonjësit u ndaluan të flisnin turqisht edhe në pjesët tjera rreth fabrikës. Përgjegjësi iu tha punëtorëve në fabrikën Garching të flisnin vetëm gjermanisht.

Punëtorët të cilët ishin të prekur nga ndalimi e hodhën poshtë vendimin. Punëtorët turq thanë se ata ishin të ekspozuar ndaj diskriminimit, duke u ankuar te Departamenti i Burimeve Njerëzore. Departamenti filloi të shqyrtojë ngjarjen rreth praktikës arbitrare të përgjegjësit dhe deklaruan se një praktikë e tillë ishte e paligjshme.

Zëdhënësi i kompanisë Jochen Frey tha se punëtorët e BMW nuk janë të detyruar të përdorin një gjuhë të caktuar mes tyre në fabrikë, por duke shtuar se megjithatë gjermanishtja duhet të jetë gjuha e përbashkët, në mënyrë që të gjithë të kuptojnë njëri-tjetrin.

“Kompania nuk detyron gjuhën në të cilën punonjësit duhet të flasin, por vendos kufizime për të folur gjermanishten ndërsa punoni, në mënyrë që udhëzimet e punës të kuptohen nga të gjithë”, tha ai.

Edhe pse kjo është deklarata zyrtare e Frey, njëra nga arsyet kryesore thuhet të jetë sepse kolegët tjerë janë ankuar se turqit bënin shaka me ta duke folur pas shpinës në gjuhën turke.