Kuriozitete
Gjenden sekrete të bukura të qytetit të shkatërruar të Pompeit
Gati dy mijë vjet pasi Pompei ishte shkatërruar nga një shpërthim vullkanik, qyteti i lashtë romak po vazhdon të nxjerrë në dritë sekrete të varrosura kaherë.
Fresko të bukura, mozaikë të ruajtur mirë dhe disa grafite janë disa prej kryeveprave që kanë dalë në sipërfaqe pas gërmimeve arkeologjike që janë bërë për herë të parë që prej vitit 1950. Derisa punëtorët me kujdes po gërmojnë me qëllim që të mos shkatërrojnë gërmadhat, arkeologët dhe konservuesit janë fort të zënë me restaurimin e veprave të zbuluara dhe kanë përforcuar muret.
Këto gërmime shënojnë fundin e projektit “Pompeit të Madh” që ishte lansuar në vitin 2012 pas një serie shembjesh së mureve. Bashkimi Evropian dhe shteti italian kanë shpenzuar 105 milionë euro për të ndalur shkatërrimin e qytetit të moçëm.
“Ka kaluar rreziku i shembjes dhe dëmtimeve serioze. Pompei tani është shumë i sigurt”, thotë Franceso Muscolino, 42-vjeçar, arkeolog që ka punuar në programin ambicioz për rimëkëmbjen e Pompeit. Puna në konservim ua ka mundësuar arkeologëve që të zbulojnë disa zona të Pompeit që deri më tani ishin të varrosura në hirin vullkanik.
Ata zbuluan dy shtëpi goxha të larta, korridore dhe dhoma dhe një kafene të dekoruara mirë. Në mesin e kryeveprave të artit që janë zbuluar pas gërmimeve është edhe një portret i mbretëreshës spartane Leda dhe Zotit grek, Zeusit i shndërruar në mjellmë.
Në të njëjtën shtëpi është gjetur edhe një fresko e figurës mitike greke, Narcisit.
“Ishin të mrekullueshme, sepse janë në gjendje të mirë”, ka thënë Stefania Giudice, pjesë e ekipit të veprave të artit. Qyteti i Pompeit u shkatërrua kur shpërtheu Mali i Vezuvit në vitin 79 para lindjes së Krishtit, duke mbytur mijëra romakë që nuk e kishin idenë se po jetonin nën njërin prej vullkaneve më të mëdha të Evropës.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtarë të Filmit në Gjenevë
-
Liverpuli kërkon mbrojtësin shqiptar që luan në Gjermani
Jeta në Zvicër
-
Zvicra, në fund të “tabelës së ligës evropiane” për energjinë e prodhuar nga dielli dhe era Zvicra është në fund të “tabelës së ligës evropiane” kur bëhet fjalë për energjinë elektrike të...
-
Policia zvicerane me problem rekrutimi, shumica e aplikantëve nuk i plotësojnë kriteret
-
Forcat Ajrore Zvicerane do të përdorin autostradën për ushtrime testuese
-
Varësia nga lojërat e fatit është rritur ndjeshëm në Zvicër
-
Komisioni Federal i Migracionit: Kriteret e reja të natyralizimit çuan në “diskriminim”