Kosova nderon James Rubinin

Presidentja e Kosovës, Atifete Jahjaga e nderoi me Medaljen Presidenciale të Meritave. Ish zëdhënësin e presidentin Bill Clinton, James Rubin

 Ish-ndihmës sekretari i Shteteve të Bashkuara të Amerikës për marrëdhënie me publikun, James Rubin, i cili u bë i dashur nga shqiptarët me deklarata e tij në kohën e luftës, është nderuar të enjten në Prishtina nga presidentja Atofete Jahjaga me Medaljen Presidenciale të Meritave.

Presidentja Jahjaga e falënderoi Rubinin për angazhim dhe kontributin e tij të jashtëzakonshëm për Kosovën gjatë periudhës së luftës që ndihmoi në vendosjen e paqes dhe lirisë dhe të zhvillimit të vendit për të gjithë qytetarët e tij, si dhe pas luftës në ndërtimin e shtetit të Kosovës dhe konsolidimin ndërkombëtar të tij.

Presidentja Jahjaga tha se ndihma e SHBA-së për Kosovën është jetike dhe mbështetja për proceset demokratike jo vetëm në Kosovë por edhe për gjithë rajonin e Evropës Juglindore është e nevojshme, sepse garanton paqen dhe stabilitetin.

Në nderim për kontributin, veprimtarinë dhe angazhimin në afirmimin e çështjes së Kosovës, presidentja kosovare e dekoroi James Rubinin me Medaljen Presidenciale të Meritave.

Ish-ndihmës sekretari i shtetit i SHBA-së, Rubin, e falënderoi presidenten për mikpritjen dhe për medaljen e dhënë. Ai tha se Kosova ka shënuar një përparim të madh ndër vite dhe ajo po tregohet si një rrëfim i suksesit të përbashkët.

Rubin ka qenë zëdhënës i ish presidenti amerikan Bill Clinton, ndërsa ishte zyrtari i parë që vizitoi Kosovën menjëherë pas hyrjes së KFOR-it në Kosovës. Në qershor të vitit 1999, Rubin së bashku me kryeministrin e qeverisë së Përkohshme Hashim Thaçin, kishin pirë kafe në qendër të Prishtinës.