Kërkohet mbështetje për viktimat e dhunës seksuale në Kosovë

Secili vath i vendosur në një instalacion të vendosur në afërsi të monumentit Heroinat në Prishtinë, do ta simbolizojë një person të dhunuar seksualisht gjatë luftës.

Qëllimi i këtij instalacioni është ofrimi i mbështetjes për 20 mijë personat e abuzuar seksualisht nga forcat serbe gjatë luftës në Kosovë.

Instalacioni #forheroines është realizuar nga Batalioni “Atlantiku”.

Në këtë aktivitet, e pranishme ishte edhe e mbijetuara e dhunës seksuale, Vasfije Krasniqi-Goodman, e cila ka kërkuar ndihmë në rrugën drejt drejtësisë. Feride Rushiti nga Qendra për rehabilitimin e të mbijetuarve të torturës ka thënë se u duhet dhënë zë heroinave, kur krimet e kryera mohohen nga bota. I njëjti instilacion, ditëve në vazhdim, do të vendoset edhe në qytete të tjera, si Prizren e Mitrovicë.