Kjo është vetura sportive më e shitur në botë

Për herë të katërt radhazi, vetura më e shitur sportive në botë është modeli Mustang i Ford, kanë bërë të ditur mediat e huaja.

Kjo është hera e katërt radhazi, derisa kompania krenohet me këtë të arritur, edhe pse kanë rënë shitjet e veturave, përcjell albinfo.ch.

Sipas statistikave, Mustang është shitur më së shumti në Shtetet e Bashkuara të Amerikës, Evropë dhe Australi.

Në vitin 2018 janë shitur 113 066 copë, apo në 146 vende të ndryshme të botës.

Shitjet e Mustang janë rritur me 0.5 % në krahasim me vitin paraprak. Shitjet janë rritur në Evropë me 27 %.

Nga 113,066 Mustang të shitura në mbarë globin, amerikanët blenë 75,842 prej tyre, ose 67 për qind në total. Mustang mbetet mbret në SHBA, në tokën e tij.