Laura Borges, kimistja shqiptare në Greenwich

Albanian Youth Center Greenwich (Facebook)

Kimistja me origjinë shqiptare, Laura Borges, ka mbajtur sot një ligjëratë me pjesëtarët e Qendrës Shqiptare për të Rinj në Greenwich, shkruan albinfo.ch.

Nga kjo qendër, Laura përshkruhet si një kimiste dhe edukatore e përkushtuar, gjithmonë e gatshme t’i ndihmojë komunitetit shqiptar.

Por kush është Laura Borges?

Laura Borges u lind në Devoll të Shqipërisë, ku edhe kreu studimet Bachelor për Biologji dhe Kimi, në Universitetin e Elbasanit. Në vitin 1996 ajo u shpërngul në ShBA, ku edhe vazhdoi studimet Master në Universitetin e BrigdePort-it. Tash punon si mësimdhënëse e ligjëruese.

“Laurës i pëlqen ta ndihmojë dhe të jetë e lidhur me komunitetin shqiptar, e të vazhdojë të ndikojë në zhvillimin e mendjeve të reja e të talentuara çdo ditë, me njohuritë e saj të gjera, përmes personalitetit të saj të dashur e karizmatik”, thuhet në njoftimin e Qendrës Shqiptare për të Rinj në Greenwich, përcjell albinfo.ch.