Lajme
Kosova vendosë viza për qytetarët e Bosnjës
Qeveria e Kosovës ka vendosë që të aplikojë regjimin e vizave për qytetarët e Bosnjës dhe Hercegovinës
Qeveria e Kosovës në mbledhjen e të mërkurës, mori vendim që të vendosë regjim vizash për qytetarët e Bosnjës dhe Hercegovinës. Ky vendim vjen pas një ultimatumi që Prishtina zyrtare i ka dhënë Sarajevës, që kjo e fundit ta heq regjimin e vizave për qytetarët e Kosovës.
Pasi që Bosnja dhe Hercegovina nuk kanë pranuar që kosovarët të kalojnë lirshëm nëpër shtetin e tyre, pason vendimi i Qeverisë së Kosovës që të aplikojë viza për qytetarët e Bosnjës dhe Hercegovinës.
Shefi i diplomacisë kosovare, Enver Hoxhaj tha se Prishtina zyrtare ka qenë e shtyrë ta marrë këtë vendim.
“Që nga shpallja e Pavarësisë nga viti 2008, Republika e Bosnjës ka pasur një qasje izoluese ndaj Kosovës deri në vitin 2012, ndërsa në këtë periudhë kur në kemi kërkuar të gjejmë një zgjidhje ky shtet ka vendosur regjim vizash ndaj qytetarëve të Kosovë, kështu e shohim të nevojshëm të marrim një vendim të tillë”, ka thënë Hoxhaj.
Vendosja e vizave për Bosnjën do të jetë hendikep kryesisht për boshnjakët, por edhe për serbët e Republika Srpska që janë të lidhur me Kosovën.
Siç është thënë më herët, nga regjimi i vizave përjashtohen shtetasit e Bosnjës dhe Hercegovinës, që kanë viza shumëhyrëse të Schengenit. Mirëpo, qëndrimi i tyre brenda territorit të Kosovës kufizohet në 15 ditë.
Bosnjë e Hercegovina është një ndër vendet që ende nuk e ka njohur pavarësinë e Kosovës, ndërsa ka më shumë se një vit që ka vendosë viza për kosovarët. BeH është i vetmi shtet në rajon, krahas Serbisë, që nuk e ka pranuar ende shtetësinë e Kosovës, për shkak të kundërshtimit të entitetit serb në këtë shtet.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant