Tematike
Zvicra, një komb i dashuruar pas armëve
Qitja (me armë) është një sport i preferuar për ta kaluar kohën e lirë në Zvicër. Rrënjët e këtij ‘sporti’ datojnë që nga fundi i Mesjetës, por sidomos në shekullin XIX, kur gjuajtja/qitja me armë u bë pjesë e rëndësishme e identitetit kombëtar, shkruan swissinfo, përcjell në shqip albinfo.ch.
Por të ‘dashuruarit’ pas armëve kanë frikë se ligji i ri për armët mund t’ua prishë kënaqësinë e tyre.
Qitësit dhe gjuetarët zviceranë kanë frikë se votimi që do të bëhet më 19 maj, mund ta rrezikojë hobin, edhe pse Berna ka arritur të negociojë disa kompromise nga Brukseli, veçanërisht për armët e ushtrisë.
Pasioni i përhapur
Nëse iu ka rastisur të dilni për shëtitje në Zvicër, mund të keni kaluar pranë ndonjë zone të qitjes apo mund ta keni parë ndonjë civil me pushkë të varur në supe.
Shumë zviceranë janë qitës të pasionuar dhe rreth 130 mijë persona janë të regjistruar vetëm në klubet për qitje. Përdorimin sportiv të armëve ata e konsiderojnë si pjesë të traditës kombëtare, përcjell albinfo.ch.
Nga periudha e Napoleonit e tutje, klubet e stërvitësve u bënë shumë të popullarizuara. Festivali i parë Federal i Qitjes u mbajt në Arau në vitin 1824. Në vitet në vazhdim, këto festivale e klube u bënë hapësirë e rëndësishme shoqërore për lëvizjen liberale të sapolindur.
Pasi u fut shërbimi i detyrueshëm ushtarak, pjesëtarët e ushtrisë duhej të bënin ushtrime të qitjes edhe jashtë kohës së shërbimit, andaj në gjithë vendin u krijuan zona të reja për praktimin e qitjes.
Qytetari (djalë) i armatosur u bë pjesë e identitetit të shtetit të ri liberal. Klubeve të qitjes iu caktua detyra e organizimit të ushtrimeve të detyrueshme për ushtarët. Kjo krijoi një lidhje të fortë mes ushtrisë dhe kulturës së armëve.
Edhe nëse lidhja tipike zvicerane mes qytetarëve dhe ushtarëve është zbehur në dekadat e fundit të shekullit XX, pasioni për armë është ende i përhapur te zviceranët edhe në ditët e sotme.
Megjithatë, çdo herë e më pak ish-ushtarë po duan t’i mbajnë me vete armët e ish-shërbimit ushtarak, edhe nëse e e kanë përfunduar shërbimin.
Të ngjashme
Të tjera nga Tematike
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Sa banorë të huaj bëhen shtetas zviceranë çdo vit? Të dhënat e reja të qeverisë zbulojnë se sa shtetas të huaj bëhen zviceranë dhe cilët...
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale