Vetëvendosje: PDK-ja e Lista Serbe garojnë në veri me politika të përbashkëta

Kryetari i Lëvizjes Vetëvendosje, Albin Kurti, në mbledhjen e Këshillit të Përgjithshëm, duke folur për zgjedhjet në veri ,të cilat do të mbahen më 19 maj, ka akuzuar PDK-në dhe Listën Serbe.

Kurti ka thënë se Lista Serbe dhe PDK-ja, edhe pse nuk kanë kandidatë të përbashkët, kanë politika të përbashkëta, transmeton albinfo.ch.

“Këto zgjedhje janë shumë të rëndësishme dhe i kemi vetëm dy alternativa, nga njëra anë Lista Serbe dhe PDK-ja, ose nga ana tjetër, kandidatët e Vetëvendosjes. Lista Serbe dhe PDK-ja nuk janë me kandidatë të përbashkët, por janë me politika të përbashkëta për fuqizimin e ndarjes dhe copëtimit të Kosovës, por edhe për legjitimimin e  strukturave kriminale të Serbisë në Kosovë”, deklaroi ai.

Kurti ka përkujtuar edhe policin e Kosovës, Enver Zymberin, duke e quajtur PDK-në si përgjegjëse për vrasjen e tij.