Rashica, në Lajpcig?

Keystone

Milot Rashica është njëri nga sulmuesit më në formë në sezonin aktual në Bundesligë dhe është bërë shtyllë e rëndësishme e sulmit të Verder Bremenit.

Sipas burimeve të “Sport Bild”, forma e tij është në rritje të vazhdueshme dhe nuk ka shkuar pa u vënë re nga një ekip që vitin tjetër do të luajë në Ligën e Kampionëve, Lajpcigut, transmeton albinfo.ch.

Sulmuesi i krahut i “Dardanëve”, Rashica, shihet si zëvendësuesi ideal i Timo Vernerit, që pritet të largohet nga ekipi.

Trajneri i Lajpcigut ka deklaruar se në ekip duhet të vijë një sulmues që garanton 15 deri në 20 gola. E sulmuesi vushtrrias, sivjet në 29 ndeshje në ligë e në kupë, ka shënuar 11 gola dhe ka gjashtë asistime.