Xhaka tregon se a do të luajë kundër Kosovës!

Futbollisti kosovar që luan për Kombëtaren e Zvicrës në futboll ka treguar se ai është shumë i lidhur me Kosovën.

Ai në një konferencë për media në Prishtinë ka treguar se zakonisht pushimet i kalon në vendlindje.
“Pushimet gjithmonë i bëj në Kosovë. Kam shumë shoqëri këtu, kënaqem”, ka thënë Xhaka, transmeton albinfo.ch.
Futbollistit i Arsenalit ka folur edhe për kombëtaren e Kosovës në futboll si dhe për mundësinë që ai të luajë kundër tyre.

“Jam krenar me djemtë e Kosovës. Ata kanë pozitë dhe shanse të mira për kualifikim në Evropian. Shpresoj se mund t’i shoh atje. Një ditë ndoshta mund të luaj ndaj Kosovës. Do të ishte ndjenjë e veçantë, por e kemi detyrë dhe le të fitojë më i miri. Ka qenë e vështirë të luaj ndaj Shqipërisë, sidomos kundër vëllait”, theksoi Xhaka.