Kaq janë dënimet nga shpejtësia në Cyrih

Ekzistojnë dy lloje kryesore të kamerave të shpejtësisë - ato të përhershme dhe ato të lëvizshme

Shumë emigrantë nuk janë të informuar për gjobat e shpejtësisë në Cyrih, derisa shumë të tjerë janë të befasuar për numrin e madh të kamerave, madje disa thonë se ka më shumë në Kantonin e Cyrihut se në të gjithë Gjermaninë, përcjell albinfo.ch.

Ekzistojnë dy lloje kryesore të kamerave të shpejtësisë – ato të përhershme dhe ato të lëvizshme. Të gjitha janë të vështira për t’u dalluar.

Në Zvicër ata zakonisht janë gri dhe vendosen në vende shumë modeste për ndikim maksimal. Ndonjëherë ato vendosen pas një ure në autostradë, ndonjëherë të fshehura pjesërisht nga pemët ose shkurre.

Gjithashtu duhet të njohësh limitet e shpejtësisë dhe të shikosh për ndryshimet e shpeshta në kufijtë e shpejtësisë. Kjo pikë e fundit është shumë e rëndësishme, pasi edhe në të njëjtën rrugë mund të gjeni kufijtë e shpejtësisë që ndryshojnë disa herë në seksione të ndryshme – kështu që është kaq e lehtë të humbasësh faktin se po vozit në një zonë me limit më të ulët, përcjell tutje albinfo.ch.

Dënimet duhet të paguhen menjëherë, sepse gjobat rriten.

Kufijtë e shpejtësisë

Këtu është një listë e limiteve të shpejtësisë në Zvicër:

Në një autostradë maksimumi është 120 km / h

Në një rrugë të dyfishtë shpejtësia maksimale është 100 km / h

Në rrugët jashtë zonave të banuara zakonisht është 80 km / h

Në qytete dhe zona të ndërtuara zakonisht është 50 km / h

Megjithatë, këto janë thjesht udhëzime dhe për shkak të aksidenteve, kushteve të rrugëve ose të motit ose punimeve të ndërtimit, shpejtësia mund të ulet. Në zona të caktuara në fshatra dhe në qytet mund të hasni edhe zona ku kufiri i shpejtësisë është 30 km / h, ose madje edhe në 20 km / orë.

Nga 1 deri në 5 km, dënimi është 40 franga, derisa deri në 15 km dënimi është 250 franga. Më pas nëse shpejtësia është më e madhe duhet të përgjigjesh para gjykatës.

Gjithashtu leja e vozitjes mund të ju merret apo të ju rekomandohet të shkoni të psikologu apo edhe të përfundoni në burg.

Nga 16 deri në 20 km/h, ju do të merrni një vërejtje, nga 21-24, 1 muaj diskualifikim, nga 25 km/h 3 muaj marrje të lejes së vozitjes.

---