Futboll
Zhegrova i befason fëmijët e një shkolle futbolli në Prishtinë
Kur trajneri Arsim Prepolli u tregoi lojtarëve të tij se do të kenë mysafir special talentin e Përfaqësueses së Kosovës, Edon Zhegrova, emocionet e tyre ishin të mëdha.
Ata po prisnin me padurim ta shohin nga afër Zhegrovën, që të mërkurën vizitoi shkollën e futbollit “Piramida”.
Trajneri Prepolli u shpjegonte të rinjve hapat që i ka bërë në karrierë talenti nga Prishtina. Madje, u tha se në një moshë të re e ka stërvitur edhe Zhegrovën.
Zhegrova, para të rinjve të kësaj shkolle, tregoi edhe disa aftësi të tij që i bën shpeshherë edhe gjatë grumbullimeve me Kosovën dhe klubin e tij.
Pasi mësuan më shumë për Zhegrovën, të rinjtë e shkollës së futbollit “Piramida” u ngritën në këmbë dhe për pak minuta luajtën me të edhe një lojë futbolli, që përfundoi baras, 2:2.
20-vjeçari Zhegrova këshilloi të rinjtë të mos ndalen për ta realizuar ëndrrën që kanë.
Ai edhe për “Sportin në KTV” ka thënë se fëmijët duhet ta ndjekin ëndrrën për të bërë karrierë jashtë vendit, përcjell albinfo.ch.
Edhe trajneri Arsim Prepolli ka thënë se është i nderuar me vizitën e talentit Zhegrova.
Ai thotë se Kosova ka edhe shumë lojtarë të talentuar si Zhegrova, por sugjeron të rinjtë që të punojnë maksimalisht.
Se e kanë ëndërr të bëhen lojtarë si Zhegrova, nuk e fshehin as futbollistët e rinj.
Zhegrova është lojtar i Genkut të Belgjikës, por i huazuar te skuadra zvicerane Basel.
Që nga viti i kaluar është futbollist i rregullt i Përfaqësueses së Kosovës.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Kantonet zvicerane me plane për të punësuar më shumë mësues të huaj Shumë pak mësues po trajnohen në Zvicër, me një mungesë të rëndësishme që pritet deri në...
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë