Zvicra njofton Qeverinë e Kosovës rreth marrëveshjes për pensionet

Ambasada e Zvicrës në Kosovë thotë se e ka njoftuar Qeverinë e Kosovës se procedurat për ratifikimin e Marrëveshjes së Sigurimeve Shoqërore janë përfunduar në Zvicër, transmeton albinfo.ch.
Kjo ambasadë nuk ka dhënë më shumë detaje lidhur më këtë marrëveshje.
“Detajet praktike të zbatimit të marrëveshjes do të komunikohen më vonë”, thuhet në njoftimin e shkurtët të ambasadës.
Ditë më parë ish-ministri i Punës, Arban Abrashi, pati njoftuar për kalimin e kësaj marrëveshjeje, duke i uruar bashkatdhetarët për këtë sukses të përbashkët.