Shqipëria, me 28 qendra shëndetësore në zonat turistike

Foto ilustrim: Luis Melendez

Në zonat turistike në gjithë Shqipërinë janë 28 qendra shëndetësore, të cilat ofrojnë për qytetarët shërbim 24 orë gjatë gjithë ditëve të javës.

Të gjitha qendrat shëndetësore verore janë të pajisura me barna dhe pajisje mjekësore dhe me staf mjekësor të trajnuar, njofton ATSH.

Gjithashtu, për një sezon të sigurt turistik në shërbim të qytetarëve janë dhe 18 postacione autoambulancash dhe njësia e helikopterëve në gatishmëri.

Shërbimi do të koordinohet nga Qendra Kombëtare e Urgjencës Mjekësore, ku qytetarët kanë mundësi të telefonojnë falas në 127 për çdo urgjencë mjekësore.