Caritasi Zviceran nënshkruan memorandum me Universitetin e Mitrovicës

Foto: Caritas Switzerland in Kosovo (Fb)

Gjatë ditës së djeshme, Caritasi Zviceran ka nënshkruar Memorandumin e Mirëkuptimit me Fakultetin e Edukimit të Universitetit të Mitrovicës “Isa Boletini”, përcjell albinfo.ch.

Siç kanë njoftuar nga Caritasi Zviceran, ky memorandum u nënshkrua në kuadër të projektit “SHPRESË”, dhe ndër të tjere, ka për qëllim përmirësimin e cilësisë së arsimit.

“Përmirësimi i cilësisë së arsimit dhe ofrimit të shërbimeve në nivelin parafillor në Kosovë do të përfshijë edhe punën me Fakultetet e Edukimit. Në vitet në vijim, një numër aktivitetesh do të realizohet, së bashku me Fakultetin e Edukimit në Mitrovicë, për të përmirësuar kapacitetin e edukatorëve të ardhshëm në metodologjitë bashkëkohorë në arsimin para fillor”, thuhet në njoftim.