Turistët e aventurës zgjedhin Alpet Shqiptare

Foto ilustrim

Alpet Shqiptare, mrekullia natyrore e Shqipërisë, vijon të mbetet një ndër atraksionet turistike për turistët vendas dhe të huaj dhe gjatë këtyre ditëve të sezonit veror, shkruan ATSH.

Turistët e aventurës gjatë kësaj fundjave kanë shijuar Pakun Kombëtar të Thethit dhe Parkun Kombëtar të Valbonës.

Ata kanë shijuar alpinizmin, hiking, ecjet në natyrë dhe biodiversitetin që ofrojnë këto vende.

Gjithashtu turistët janë njohur dhe me atraksionet kryesore që ofrojnë qendrat e vizitorëve, të cilat u kanë ofruar atyre informacionin e duhur dhe gjithashtu kanë parë nga afër çdo gjë që këto parqe kanë, që nga natyra e deri tek flora dhe fauna.

Pozita gjeografike e këtyre atraksioneve, bukuritë e jashtëzakonshme natyrore, larmishmëria që ofrojnë, shtegu Theth-Valbonë, bëjnë që Alpet Shqiptare të jenë një ndër atraksionet më të vizituara dhe gjatë këtyre ditëve me temperatura të larta.