Ngriten për 1 për qind çmimet e konsumit, bie prodhimi

Në Indeksin e Çmimeve të Prodhimit për tre muajt e këtij viti, thuhet se në Kosovë ka pasur rënie të prodhimit, por është shëmuar ngritje e konsumit

Çmimet e prodhimit në Kosovë u ngritën për 1 për qind në tre muajt e parë të këtij viti, ndërsa çmimet e prodhimit pësuan rënie në një mesatare prej 1 për qind. Kështu thuhet në raportin e Agjencisë së Statistikave të Kosovës (ASK) lidhur me “Indeksin e Çmimeve të Prodhimit” për tre muajt e këtij viti.

Ngritje më të mëdha sipas degëve të veprimtarive ekonomike vërehen te nxjerrja e mineraleve metalike (7.0 për qind), prodhimi i mobileve, industria tjetër përpunuese (5.4%), prodhimi i makinave dhe aparateve elektrike (1.8%), prodhimi i produkteve të tjera minerale jo metalike (1.4%), prodhimi i produkteve prej gome dhe plastike (0.1%) dhe industria e tekstilit (0.1%) etj.

Krahasuar me të njëjtën periudhë të vitit të kaluar, çmimet e Prodhimit në Kosovë pësuar rënie në një mesatare prej 1 për qind.

Rënie më të mëdha sipas degëve të veprimtarive ekonomike ishin te prodhimi i metaleve (11.3%), nxjerrja e mineraleve metalike (11.0%), prodhimi i mjeteve të tjera të transportit (10.8%), industria e veshjeve dhe gëzofëve (10.7%), prodhimi i makinave dhe aparateve elektrike (10.5%), prodhimi i kemikalieve dhe produkteve kimike (7.4%), etj.