Sulmuesi shqiptar largohet nga Zvicra, tregon arsyet

Shani Tarashaj edhe zyrtarisht ka vendosur që të vazhdojë karrierën në Holandë

Dikur u ftua nga Zvicra dhe u ble nga Evertoni. Por, sulmuesi shqiptar Shani Tarashaj është përballur me shumë lëndime në vitet e fundit.

Së fundi ishte i huazuar në Grasshoppers, por edhe në skuadrën zvicerane nuk kaloi momente të mira, derisa kjo skuadër ka rënë një kategori më poshtë, shkruan albinfo.ch.

Tarashaj është ende futbollist i Evertonit, derisa është huazuar në Emmen, për dy edicionet e ardhshme.

“Dua të falënderoj të gjithë njerëzit në Grasshopper dhe të gjithë tifozët. Ishte një vit e gjysmë shumë intensiv, por mësova shumë dhe jam i sigurt se ekipi do të kthehet më i fortë se më parë. Faleminderit dhe fat të mirë për të ardhmen”, ka shkruar Tarashaj në rrjetet sociale.

---