36 të arrestuar për drogë, 11 prej tyre kosovarë

Janë arrestuar 36 persona të shteteve të ndryshme. Bëhet fjalë për 8 sllovenë, 11 kosovarë, 7 serbë, 2 gjermanë, 3 italianë 1 rumun dhe 3 austriakë

Të mërkurën është zbuluar një rrjet i tregtarëve me drogë, i cili ka vepruar në disa vende të Evropës. Autoritetet ndjekëse në Austri, Slloveni, Gjermani dhe Kroaci kanë kapur me këtë rast70 kilogramë drogë, të llojeve kokainë, heroinë, kanabis në vlerë prej afërisht 1 milion eurosh.

Me këtë rast janë arrestuar 36 persona të shteteve të ndryshme. Bëhet fjalë për 8 sllovenë, 11 kosovarë, 7 serbë, 2 gjermanë, 3 italianë 1 rumun dhe 3 austriakë.

Vetëm në Austri, vendi ku është përmbyllur aksioni i kapjes së rrjetit janë gjetur 9 kilogramë heroine dhe 10.5 kilogramë kanabis. Ndërsa në gjithë aksionin janë konfiskuar 10.7 kilogramë heroinë, 60 kilogramë cannabis dhe 331 gramë kokainë. Të arrestuarit ngarkohen veç tjerash për prodhim të palejuar të drogave dhe për tregti ilegale me drogë, shkruan kurier.at.

Zyra Federale kriminale e Austrisë njofton se këta hapa janë ndërmarrë në kuadrin e operacionit Gallus, që është jë projekt ndërkombëtar për luftimin e kriminalitetit të organizuar. Në këtë kuadër, në Nickeldorf janë konfiskuar më parë 8.6 kilogramë heroinë dhe janë arrestuar dy korrierë droge.