Bernë: Pasi rrëzohet nga demi, vdes një 74-vjeçar

Një burrë u përplas me një dem të shtunën pasdite në Adelboden. Ai u rrëzua dhe u lëndua rëndë.

Ai vdiq gjatë ditës së sotme në spital.

Policia në Bernë ka raportuar gjatë ditës së sotme se arsyet e kontaktit mes demit dhe 74-vjeçarit do të sqarohen.

Ata shtuan se 74-vjeçari u rrëzua rëndë nga demi, e më pas u dërgua me një helikopter shpëtimi në spital, por edhe pas kujdesit intensiv, zvicerani nuk shpëtoi, raporton 20 minuta, përcjell Albinfo.ch.

Policia gjithashtu ka thënë se demi ishte në kullotën e tij në Adelbodner.

“Sipas sqarimeve aktuale, nuk ka dëshmi nëse kafsha ishte sjellë në mënyrë agresive ndaj njeriut”, ka thënë policia.

Hetimet e mëtejshme, në veçanti rrjedha e saktë e ngjarjeve dhe rrethanat e ngjarjeve, janë duke u zhvilluar nga Prokurori Publik Rajonal në Oberland.