Tri qytete gjermane që ofrojnë ‘ekuilibrin më të mirë të punës dhe jetës’

Nuk është e thjeshtë të ekuilibrosh punën me jetën tënde personale - por hulumtimet e reja kanë zbuluar që tre qytete gjermane janë veçanërisht të mira për të ndihmuar banorët e tyre të arrijnë këtë ekuilibrim, transmeton albinfo.ch

Ekspertët e sigurisë Kisi analizuan 40 qytete në gjithë botën, në një përpjekje për të zbuluar banorët e të cilëve kanë ekuilibrin më të rrumbullakosur të jetës dhe punës, në aspektin jo vetëm të intensitetit të punës, por edhe jetueshmërinë e tyre dhe mirëqenien dhe të drejtat e qytetarëve.

Dhe, ata zbuluan se Mynihu kishte një nga rezultatet më të mira në krahasim me qytetet në të gjithë botën. Dy qytete të tjera në Bundesrepublik janë gjithashtu në top 10.

Studiuesit shikuan një seri faktorësh që lidhen me sasinë e kohës që një person i kushton punës së vet – të tilla si orët totale të punës, udhëtimet dhe ditët e pushimeve të marra.

Së fundmi, studiuesit përcaktuan rezultatin e jetueshmërisë së secilit qytet, duke ekzaminuar lumturinë e përgjithshme të qytetarëve, sigurinë dhe mundësinë e hyrjes në vendet e shëndetit dhe kohës së lirë, gjë që i lejoi ata të vlerësojnë nëse banorët e tyre mund të shijojnë mjedisin e tyre pas orarit të punës.

Cilat qytete dolën në majë?

Në Gjermani, Mynih, Hamburg dhe Berlin, të gjitha u renditën në 10 vendet e para të qyteteve më të banueshme, përcjell albinfo.ch.

Por, Helsinki në Finlandë mori vlerësimin më të lartë në përgjithësi. Në fakt, kryeqyteti finlandez është i vetmi qytet që arrin një rezultat të kënaqësisë 100.

Njerëzit që punojnë me kohë të plotë në Finlandë relativisht 40.2 orë në javë në vendin e punës, plus e drejta për pushime fillon nga 30 ditë në vit. Punonjësit marrin gjithashtu gjithsej 1,127 ditë pushim të paguar prindërore.

Kujdesi shëndetësor është gjithashtu mbi mesataren, me Helsinki që renditet i gjashti pas Sidneit, Melbourne, Tokios, Milano dhe Oslo në atë pikë, me 86.7 nga 100 pikë.

Helsinki renditet edhe më mirë (vendi i katërt) përsa i përket hapësirave të gjelbërta. Qyteti finlandez me 630,000 qytetarë vlerësohet gjithashtu shumë i mirë për sa i përket sigurisë, me 93.3 nga 100 pikat, transmeton albinfo.ch.

---