Prishtina i bashkohet Ditës së Qyteteve pa Vetura

Kryetari i Prishtinës, Shpend Ahmeti dhe bashkëpunëtorët e tij e shënuan Ditën e Qyteteve Evropiane pa Vetura. Nga ora 7:00 e mëngjesit ka pasur biçikleta për të gjithë të interesuarit

Kryetari i komunës së Prishtinës, Shpend Ahmeti dhe bashkëpunëtorët morën pjesë në shënimin e Ditës së Qyteteve Evropiane pa Vetura, duke shfytësuar kolektivisht biçikletat. Gjata ditës së sotme, prej orës 7:00, afër katedrales “Nëna Terezë” ka pasur biçikleta për të gjithë të interesuarit.

Ata këto biçikleta kanë mundur t’i shfrytëzojnë nëpër qendrën e qytetit deri te sheshi “Ibrahim Rugova”.

Kryetari i Prishtinës, Shpend Ahmeti me disa nga pjesëtarët e ekipit të tij, ka udhëtuar një pjesë të rrugës për në punë më biçikletë, përkatësisht nga katedralja “Nëna Terezë” deri në zyrën e tij në objektin e vjetër të komunës.

Ahmeti ka thënë se kjo është simbolikë që sivjet filloi me bllokim të dy rrugëve për vetura, asaj “George Bush” dhe “Garibaldi” dhe që pasdite vazhdon me ndalje veturash edhe në rrugën “UÇK”, transmeton lajmi.net.

Për kryetarin Ahmeti, është me rëndësi që të përdoren më pak vetura e më shumë transport publik dhe, sipas tij, këto katër vite mandat do të krijojë një mjedis më të mirë, ku përveç autobusëve më cilësorë edhe rrugët do të jenë të niveleve më të larta.