Mbi 100 deputetë të djathtë kundër iniciativës “Ecopop”

Edhe pse me emrin “Ecopop”, iniciativës i mungon dimension i ekologjik. “Ecopop nuk është iniciativë për mbrojtjen e ambientit”

Iniciativa “Ecopop” për të cilën zviceranët do të votojnë më 30 nëntor ka  ngjallur reagime në shtresa të ndryshme të shoqërisë, ka bërë bashkë së fundi edhe partitë e djathta të përfaqësuara në parlamentin nacional. Sot një komitet prej mbi 100 deputetësh të të gjitha partive e ka prezantuar para medieve në Bernë qëndrimin e tij të qartë kundër iniciativës. Partitë në fjalë janë CVP/PDC, FDP/PLR, GLP, SVP/UDC BDP dhe EVP .

“Absurde dhe të dëmshme” e kanë cilësuar ata këtë iniciativë, e cila, sipas tyre është më e dëmshme se ajo kundër migrimit masiv, e SVP/UDC-së. Kjo për faktin se Ecopop ndryshe nga ajo, nuk i lë fare hapësirë  të lirë veprimi qeverisë.

“Në rast miratimi, marrëveshjet bilaterale jo vetëm që do të rrezikoheshin por ato do të hiqeshin fare nga rendi i ditës”, ka thënë deputeti i BDP-së, Hans Grunder.

Iniciativa nuk i kushton fare kujdes situatës ekonomike dhe politike të Zvicrës, ka thënë deputeti i CVP/PDC nga Gjnevea Gössi.

Ndërsa deputetja e Partisë Liberale të Gjelbër (GLP) Tiana Moser ka theksuar se edhe pse me emrin “Ecopop”, iniciativës i mungon dimension i ekologjik. “Ecopop nuk është iniciativë për mbrojtjen e ambientit”, ka thënë ajo.

Ecopop parasheh që ta kufizojë migracionin në 0.2 për qind në vit. Ndërsa 10 për qind e ndihmave që u jep Zvicra vendeve tjera për zhvillim, duhet të orientohen për planifikimin vullnetar të familjes në vendet e përmendura.