Merret vendimi për njohjen e patentë shofereve të shqiptarëve në Itali

Që nga data 8 shtatori, patentat shqiptare të lëshuara nga data 24 janar 2017 e deri më sot do të njihen edhe në Itali.

Lajmi është bërë publik në faqen zyrtare të Ministrisë Italiane të Infrastrukturës dhe Transportit, ku është publikuar edhe lista e dokumentacionit që kërkohet për njohjen e lejeve të drejtimit.

Ministri i Diaspores në Shqipëri Pandeli Majko ka shkruar në rrjetin Facebook që kjo është meritë e institucioneve shqiptare bashke me ato italiane, përcjell albinfo.ch

“Njohja dhe konvertimi i patentave shqiptare në Itali është rezultat i një pune të organizuar dhe të drejtuar nga Koordinatori Shtetëror i Patentave, zëvendësministër i Infrastrukturës dhe Energjisë, z. Artan Shkreli me institucionet italiane, një bashkëpunim ky i arritur në kuadër të marrëveshjes së përbashkët mes qeverive të të dyja vendeve”, ka thënë ai, përcjell albinfo.ch

Lista e dokumentave të cilat janë të nevojshme për konvertimin e lejeve te vozitjes mund të gjindet ne likun e mëposhtëm:

http://www.dgtnordovest.it/joomla/index.php?option=com_content&id=264%3Aalbania&fbclid=IwAR2Mh9dlLdRtE3R-BmgBSUwojUxt4seiu37qC5_ycccs9-vRo-Fh4aMo6Ro

---